მიზანი და ამოცანები
დერმატოსკოპიისა და კანის ოპტიკური დიაგნოსტიკის სფეროში საერთაშორისო კავშირების განვითარების, ახალი ტექნოლოგიების დანერგვის და გამოცდილების გაზიარების საფუძველზე ასოციაცია მიისწრაფის ხელი შეუწყოს საქართველოში კანის სიმსივნეების პრევენციას, რაც ეფექტური მკურნალობის საწინდარია.
ასოციაციის ძირითადი ამოცანებია:
- დერმატოონკოლოგიისა და დერმატოსკოპიის და კანის ოპტიკური დიაგნოსტიკის განვითარებისა და დამკვიდრების ხელშეწყობა საქართველოში და ამიერკავკასიის სამედიცინო სფეროში;
- სამედიცინო განათლების გაგრძელების ხელშეწყობა (დიპლომ-შემდგომი განათლება) დერმატოონკოლოგიისა და დერმატოსკოპიის და კანის ოპტიკური დიაგნოსტიკის სფეროში. ინოვაციური პროგრამების დანერგვის მიზნით, სასწავლო სემინარების, პრაქტიკული კონფერენციებისა და სასწავლო კურსების ჩატარება. საერთაშორისო კონტაქტების გაღრმავება მიმართულების პოპულარიზაციისა და ფართოდ დანერგვის მიზნით;
- აქტუალური საკითხების მეცნიერული შემუშავება და ახალგაზრდა სპეციალისტების შემოქმედებითი აქტივობის ხელშეწყობა;
- საინფორმაციო - საგამომცემლობო საქმიანობა, დერმატოონკოლოგიისა და დერმატოსკოპიის და კანის ოპტიკური დიაგნოსტიკის სფეროში უახლესი მიღწევების მასალების გასაშუქებლად; პუბლიკაციებისა და პერიოდული გამოცემების მომზადება და გამოცემა;
- ხელი შეუწყოს და განავითაროს საერთაშორისო კავშირები, კვლევითი და საგანმანათლებლო საქმიანობა, საინფორმაციო გაცვლა, დიალოგი და მსოფლიო პარტნიორობა. ხელი შეუწყოს დერმატოონკოლოგიისა და დერმატოსკოპიის და კანის ოპტიკური დიაგნოსტიკის სფეროში საქმიანობის კოორდინაციას;
- ხელი შეუწყოს დერმატოონკოლოგიისა და დერმატოსკოპიის და კანის ოპტიკური დიაგნოსტიკის სტატუსის დამკვიდრებას და მის კვალიფიციურ გამოყენებას უწყვეტ სამედიცინო განათლების სისტემაში;
- ხელი შეუწყოს ზოგადი პროფილის ექიმებსა და რაიონებში მომუშავე ექიმ დერმატოლოგთა შორის დერმატოონკოლოგიისა და დერმატოსკოპიის და კანის ოპტიკური დიაგნოსტიკის მეთოდოლოგიის ფართოდ დანერგვაში ონკოლოგიური სიფხიზლის განვითარების მიზნით;
- მონაწილეობა მიიღოს რესპუბლიკის მაშტაბით სტატისტიკური მონაცემთა ბაზის შექმნაში დერმატოონკოლოგიური დაავადებების გამოვლენის შესახებ და აღრიცხვიანობის ზუსტ წარმოებაში; სკრინინგისა და ადრეული დიაგნოსტიკის მეთოდების შემუშავებასა და დანერგვაში და მათი მეშვეობით კანის ონკოლოგიურ დაავადებათა რისკ ჯგუფების გამოვლენა-აღრიცხვა და ადრეულ სტადიაზე გამოვლენლ პათოლოგიათა სწორი და სწრაფი მკურნალობის დაგეგმარება დაავადების არასასურველი შორსწასული შემთხვევების აღმოფხვრის მიზნით;
- კონფერენციების, სიმპოზიუმების, სემინარებისა და სხვა სახის შეხვედრების მოწყობა და ჩატარება დერმატოონკოლოგიის, დერმატოსკოპიის და კანის ოპტიკური დიაგნოსტიკის სფეროში გამოცდილების გაზიარების მიზნით.